Við í EAPN á Íslandi erum að safna örsögum um fátækt á Íslandi í dag. Átt þú sögu sem þú vilt deila með okkur?
Það er til ýmiskonar tölfræði um fátækt á Íslandi sem er mikilvægur þekkingargrunnur fyrir alla stefnumótun og aðgerðir gegn fátækt. Það eru örsögur einnig því með þeim er hægt að varpa ljósi á birtingarmyndir fátæktar í samtímanum. Þær eru líka leið fyrir fólk sem býr við fátækt til að segja frá reynslu sinni og koma á framfæri hvað því sjálfu – en ekki einhverjum öðrum – finnst skipta máli.
Við leggjum áherslu á að þær sögur sem okkur berast verði ópersónugreinanlegar þegar þær eru notaðar og heitum þeim sem senda okkur sögu fullum trúnaði um nafnleynd. Sögurnar langar okkur að geta notað í dæmaskyni í vinnu okkar við það að uppræta fátækt, t.d. í samtali við stjórnvöld, til að draga fram raddir
og upplifun fólks sem býr við fátækt. Við munum einnig birta sögur hér á facebook síðu okkar.
Ef þú vilt deila sögu þinni með okkur getur þú sent hana á netfangið eapn@eapn.is og ef þú vilt aðstoð við að forma frásögnina er það sjálfsagt mál.