Fjölmiðlaverðlaun götunnar – tilnefningar fyrir 2019

Undir mjög óhefðbundnum aðstæðum í þjóðfélaginu höfum við ákveðið að streyma verðlaunaafhendingu Fjölmiðlaverðlauna götunnar í ár og hafa hana hálf-lokaða.

Afhendingin mun fara fram í safnaðarheimili Grensáskirkju, föstudaginn 13. mars kl. 15, eins og áætlað var. Við munum bjóða vinningshafa velkomna að koma og taka við verðlaunum og viðurkenningarskjölum á staðnum en einnig verður í boði að vera með okkur í gegnum streymi og Skype fyrir þá sem ekki geta komið á staðinn.

Eftirfarandi fjölmiðlafólk er tilnefnt í ár:

Alma Mjöll Ólafsdóttir

„Konur líklegri til að verða fátækar“. Stundin, 31. Ágúst.

„Þegar ég trúði því að ég væri í millistétt“. Stundin, 5. Febrúar.

Ásgeir H. Ingólfsson

„Glerborg blankheitanna”. Stundin, 18. Júní.

Bergljót Baldursdóttir

„Séreignarsparnaður nýtist ekki öryrkjum”. RÚV, 15. Mars.

Egill Páll Egilsson

„Dýrt að veikjast á Íslandi”, Mannlíf, 29. Mars.

Freyr Rögnvaldsson

„Kannski sofa þau vært vegna þess að þeim er alveg sama?”. Stundin, 4. Júlí.

„Þurfa að kveðja allt of mörg börn”. Stundin, 15. september

„Flúði hatur og hrylling”. Stundin, 15. Desember.

Gabríel Benjamín

„Fékk háa rukkun frá Tryggingastofnun niðurfellda rétt fyrir jól”. Stundin, 23. Nóvember.

Jón Bjarki Magnússon

„Huldufólkið: Þúsundir búa í iðnaðarhverfum, þar af 860 börn“. Stundin, 5. Janúar.

„Berlínarbúar vilja banna sína Gamma”. Stundin, 28. Mars.

Nadine Guðrún Yaghi

„Heimilislaust fólk í tjöldum víðsvegar á höfuðborgarsvæðinu – Stærsti hópurinn er ungt, heimilislaust fólk”. Vísir/Stöð 2, 13. Júlí.

„120 sótt um sárafátæktarstyrk – Neyddist til að borða popp í heila viku”. Vísir/Stöð 2, 4. Október.

„Fátækir hafi ekki efni á þvottaefni og dömubindum í desember”. Visir/Stöð 2, 15. Desember.

Ragna Gestsdóttir

„Ég svelti mig en vil að börnin mín borði“. DV, 27. júlí.

„Einstæð móðir sem er að ferma er föst í viðjum fátæktar – Mér líður mjög illa”. DV, 31. Mars.

Svava Jónsdóttir

„Fátækt er eins og refsing fyrir glæp sem maður framdi ekki”. Stundin, 31. Ágúst.

„Gaf barn til ættleiðingar vegna fátæktar”. Stundin, 1. September.

„Borðar popp svo börnin fái nægan mat”. Stundin, 31. Ágúst.

„Hugarfarið skiptir miklu máli í fátækt”. Stundin, 2. September.

Þórður Snær Júlíusson

„Öryrkjar fastir í fátæktargildru”. Kjarninn, 15. Mars,

Að auki hefur dómnefnd ákveðið að veita Kolbeini H. Stefánssyni sérstaka viðrurkenningu fyrir framlag sitt til fjölmiðlaumfjöllunar á árinu með skýrslugerð, greinaskrifum og viðtölum.

Fjölmiðlaverðlaun götunnar 2020 verða haldin föstudaginn 13. mars í safnaðarheimili Grensáskirkju

Fjölmiðlaverðlaun götunnar verða að þessu sinni haldin í safnaðarheimili Grensáskirkju föstudaginn 13. mars. Dómnefndin, sem eingöngu er skipuð fólki með reynslu af fátækt, vinnur nú hörðum höndum að því að leggja lokahönd á tilnefningalistann og mun hann liggja fyrir á næstu dögum.

Einungis koma til greina umfjallanir sem fjalla á faglegan, vandaðan og virðingarfullan hátt um fátækt og því er margt að skoða í hverri og einni tilnefningu. Allar tilnefningar eru skoðaðar og metnar með eftirfarandi spurningar í huga:

1. Hvernig kemur fólk sem upplifir fátækt fyrir í umfjölluninni?

2. Er frásögnin af fátækt heiðarleg, fordómalaus og sett fram af þekkingu og skilningi?

3. Eru efnistökin/fréttapunkturinn áhugaverð og koma til skila mikilvægum upplýsingum eða skilaboðum?

4. Eru dýpri útskýringar og bakgrunnsupplýsingar um vanda fólks og kerfislægar aðstæður hluti af umfjölluninni?

5. Er orðfæri og orðnotkun umfjöllunarinnar faglegt og virðingarfullt gagnvart umfjöllunarefninu?

6. Hvernig er myndnotkunin og hvað gerir hún fyrir umfjöllunarefnið?

7. Viðbótarspurningar: Hvernig leið mér við lestur/hlustun/áhorf á umfjölluninni? Hvernig tilfinningu fékk ég fyrir umfjöllunarefninu? Lærði ég eitthvað nýtt? Gat ég speglað mig í henni og talar hún mínu máli?

Við hlökkum til að verðlauna framúrskarandi blaðamenn fyrir störf sín í þágu málstaðarins og bjóðum ykkur öll velkomin að koma og fagna með okkur. Veitingar verða í boði, góð og opin stemmning og eflaust eitthvað fleira skemmtilegt.

Sjáum vonandi sem flest ykkar!

Hér má nálgast upplýsingar um viðburðinn á Facebook